Ipoteka kreditlarini ajratish tartibi

Ipoteka kreditlarini ajratish tartibi


Ipoteka krediti banklar tomonidan qaytarishlik, to‘lovlilik, ta’minlanganlik, muddatlilik va maqsadlilik shartlarida beriladi.

Tayyor holda topshirish sharti bilan qurib bitkazilgan ko‘p kvartirali uy-joylardagi kvartiralarni birlamchi uy-joy bozorida sotib olish hamda yakka tartibdagi uy-joyni qurish (rekonstruksiya qilish) ishlari uchun Moliya vazirligi tomonidan joylashtirilgan mablag‘lar hisobidan fuqarolarga ipoteka krediti banklar tomonidan quyidagi shartlar asosida ajratiladi:

1. Bozor stavkasida*;

2. 20 yildan ko‘p bo‘lmagan muddatga;

3. Boshlang‘ich badali sotib olinadigan kvartira va yakka tartibda qurilayotgan (rekonstruksiya qilinayotgan) uy-joy qiymatining 15 foizidan kam bo‘lmagan miqdorda;

4. Bir qarz oluvchiga beriladigan ipoteka kreditlari belgilangan ipoteka kreditining eng ko‘p miqdoridan oshmaydigan miqdorda:

Qoraqalpog‘iston Respublikasi va viloyatlarda — 327 250 ming so‘mgacha;

Toshkent shahrida — 416 500 ming so‘mgacha beriladi.

Qarz oluvchilarga ularning xohishiga ko‘ra 6 oylik imtiyozli davr bilan va kredit to‘lovlari bo‘yicha annuitet yoki differensial to‘lovlar tartibi tatbiq etilishi mumkin;

*foiz stavkasi O‘zbekiston Respublikasi Markaziy bankining asosiy stavkasi pasaytirilgan taqdirda, mutanosib ravishda kamayadi, oshirilgan taqdirda esa o‘zgarishsiz qoladi.

Bizning yangiliklarimizga obuna bo'ling